პარლამენტის თავმჯდომარე დავით უსუფაშვილმა ტაბულასთან საუბარში არც დაადასტურა და არც უარყო გავრცელებული ინფორმაცია საკონსტიტუციო სასამართლოს თავმჯდომარის პოსტზე მის დანიშვნასთან დაკავშირებით.
"მერე ვილაპარაკოთ ყველაფერზე, 5 ივლისიდან გელით", - ასე უპასუხა უსუფაშვილმა ტაბულას. შეგახსენებთ, რომ, გავრცელებული ინფორმაციით, საკონსტიტუციო სასამართლოს მომავალ თავმჯდომარედ სწორედ დავით უსუფაშვილის კანდიდატურა განიხილება.
"როგორც კი დავამთავრებთ ეუთო-ს საპარალამენტო ასამბლეას, 5 ივლისიდან გპირდებით, რომ ვიქნები თქვენს განკარგულებაში, როგორც არჩევნებში მონაწილე პოლიტიკური ლიდერი. აი, მერე ვილაპარაკოთ ყველაფერზე", - თქვა უსუფაშვილმა.
საკონსტიტუციო სასამართლოს თავმჯდომარე გიორგი პაპუაშვილს უფლებამოსილების ვადა 30 სექტემბერს ეწურება.
