პაკისტანის თალიბანის მოძრაობამ განცხადება გაავრცელა, სადაც ექიმ შაკილ აფრიდის მოკვლით იმუქრება.
,,ჩვენ მას ნაწილებად ავკუწავთ, როდესაც ვიპოვნით. ის ამერიკის ჯაშუში იყო ჩვენი გმირის ბინ ლადენის პოვნაში.’’-განაცხადა თალიბანის წარმომადგენელმა ეჰსანულა ეჰსანი.
პაკისტანელი ექიმის ძმა სიტუაციით შეშფოთებულია და მის გათავისუფლებაში დამხარებას აშშ-ს სთხოვს.
გასულ კვირას შაკილ აფრიდს, რომელიც აშშ-ს სპეცსამსახურებს ტერორისტ ბინ ლადენის პოვნაში დაეხმარა, სამშობლოს ღალატის ბრალდებით 33 წლით პატიმრობა მიუსაჯეს.
პაკისტანელი ექიმის დაპატიმრება დაგმო ამერიკის შეერთებულ შტატების თავდაცვის მინისტრმა, ხოლო აშშ-ს სენატმა პაკისტანს ყოველწლიური ფინანსური დახმარება მნიშვნელოვნად შეუმცირა.
