,,სამართლიანი არჩევნებისთვის“ აქციის ორგანიზატორებს, მოსკოვის მერიამ 4 თებერვლისთვის დაგეგმილი საპროტესტო აქციის ჩატარების ნება მისცა. ქალაქის მერის მოადგილემ ალექსანდრ გორბენკომ აღნიშნა , რომ ოპოზიციის წარმომადგენლებს მაქსიმუმ 50 000 ადამიანისგან შემდგარი დემონსტრაციის მოწყობა შეეძლებათ.
რუსეთში, ოპოზიციური ძალები ხელისუფლებას 2011 წლის დეკემბერში ჩატარებული არჩევნების გაყალბებაში ადანაშაულებენ. ქვეყანას კი მარტში კიდევ ერთი კენჭისყრა ელის - საპრეზიდენტო არჩევნების სახით.