აშშ-ს სახელმწიფო მდივანმა ჰილარი კლინტონმა შეშფოთება გამოთქვა გავრცელებული ცნობების გამო, რომ რუსეთში არჩევნების მიმდინარეობისას ხდებოდა თვალთვალი დამოუკიდებელ დამკვირვებლებზე, მათ საიტზე კი განხორციელდა კიბერ შეტევა. ინფორმაცია ამის შესახებ ფრანც -პრესმა გაავრცელა.
გავრცელებული ცნობებით, გასულ კვირაში რუსეთის რამდენიმე დეპუტატმა მიმართა პროკურატურას შეესწავლა დამოუკიდებელი ასოციაცია ”გოლოსის” საქმიანობა, რის შემდეგაც მოსკოვის სასამართლომ ”გოლოსი” მის მიერ ინტერნეტში გავრცელებული პროექტის გამო ( დარღვევების რუქა ) დამნაშავედ სცნო არჩევნების მიმდინარეობისას ინფორმაციის გავრცელების წესის დარღვევაში. შაბათს ღამით მოსკოვის აეროპორტში დააკავეს ასოციაციის დირექტორი ლილია შიბანოვა და ჩამოართვეს პირადი კომპიუტერი. ამასთან ტელე-კომპანია НТВ-მ მოამზადა და აჩვენა ფილმი, რომელშიც ” გოლოსი” დაადანაშაულა” აშშ-ს ინტერესებით” მოქმედებაში , კერძოდ დუმის არჩევნებთან დაკავშირებით რეალობის ფალსიფიკაციის მცდელობაში. ასოციაცია ”გოლოსი” რუსეთის დუმის არჩევნებს აკვირდებოდა. მისმა წარმომადგენლებმა დარღვევებთან დაკავშირებით 5000 -ზე მეტი საჩივარი შეიმუშავეს. სწორედ ”გოლოსის” საიტის წინააღმდეგ განხორციელდა კიბერ შეტევა.