რუსეთის საგარეო საქმეთა სამინისტროში არ გამორიცხავენ დროთა განმავლობაში უარი ითქვას ეგეთ წოდებულ შავ სიაზე, რომელითაც აშშ-ს ზოგიერთ მოქალაქეს უწესდება შეზღუდვები რუსეთში შესვლაზე. ამის შესახებ განცხადება დღეს რუსეთის საგარეო უწყების წარმომადგენელმა ანვარ აზიმოვმა გააკეთა. მან განმარტა, რომ აღნიშნული ” შავი სიით” რუსეთმა გადადგა აშშ-ს საპასუხო ნაბიჯი. ” თუმცა იმედი გვაქვს, დაპირისპირება მოიხსნება, რადგან ასეთი სიები ხელს უშლის ურთიერთობების განვითარებას”-_თქვა მან. შეგახსენებთ რუსეთმა ზოგიერთი ამერიკელის წინააღმდეგ სანქციები , აშშ-ს მიერ სერგეი მაგნიტსკის საქმესთან დაკავშირებული რუსი ჩინოვნიკებისთვის დაწესებული შეზღუდვების საპასუხოდ დააწესა. რუსეთის ”შავ სიაში” შეყვანილია ამერიკელები , რომლებიც ეჭვმიტანილები არიან აშშ-ს ტერიტორიაზე რუსეთის მოქალაქეების წინააღმდეგ უკანონო ქმედებებში და მათ ეკრძალებათ რუსეთში ჩასვლა. აშშ-ს გადაწყვეტილებით კი აშშ -ს ვიზები არ გაიცემა რუს ჩინოვნიკებზე, რომლებიც ეჭვმიტანილნი არიან საგამოძიებო იზოლატორში ადვოკატ სერგეი მაგნიტსკის სიკვდილთან კავშირში. ამას გარდა, გაიყინება ამ პირების ანგარიშები ამერიკულ ბანკებში.
აშშ-რუსეთის ურთიერთობები
