უკრაინამ ოკუპირებულ ყირიმსა და კრასნოდარის მხარეში ნავთობის ინფრასტრუქტურასა და სამხედრო ობიექტებზე საჰაერო იერიშები მიიტანა.
ამის შესახებ ზელენსკიმ Facebook-ზე გამოქვეყნებულ მიმართვაში ილაპარაკა. ინფორმაციას ავრცელებს უკრაინის სპეციალური ოპერაციების ძალებიც (ССО).
ССО-ს ცნობით, უკრაინამ, მათ შორის, იერიში მიიტანა ქერჩის პორტის ნავთობტერმინალზე.
"ამ ღამით ჩვენი შორი მანძილის სანქციები გამოყენებული იქნა ოკუპანტის სამხედრო ლოჯისტიკის, ნავთობის მრეწველობისა და ჰაერსაწინააღმდეგო თავდაცვის სისტემების წინააღმდეგ.
ობიექტები ყირიმის ხიდის ორივე მხარეს დაზიანდა: კრასნოდარის მხარეში საზღვაო ლოჯისტიკა ნავთობის გადასატანად და ნავთობბაზა დროებით ოკუპირებულ ქერჩზე". - თქვა ზელენსკიმ.
პარალელურად, კრასნოდარის მხარის ოპერატიული შტაბის თანახმად, უკრაინის იერიშის შედეგად დასახლება ჩუშკაში მდებარე ნავთობტერმინალზე ხანძარი გაჩნდა.
ამასთან, შტაბის მიხედვით, უკრაინამ ასევე ქერჩის გადასასვლელზე ბორან "პანაგიაზე" იერიში მიიტანა.
გარდა ამისა, რუსულ Telegram-არხებში ვრცელდება ინფორმაცია, რომ უკრაინამ ქერჩთან, რუსეთის მხარეს მდებარე პორტზე, "კავკაზზეც" მიიტანა იერიში.
