ისრაელის თავდაცვის ძალების (IDF) ინფორმაციით, ცოტა ხნის წინ ისრაელმა ლიბანის აღმოსავლეთ ნაწილში ჰეზბოლას სამეთაურო ცენტრზე იერიში მიიტანა.
IDF-ის განცხადების მიხედვით, სამეთაურო ცენტრს, რომელიც ბექაას ხეობაში, ბაალბექის სიახლოვეს მდებარეობდა, ჰეზბოლა ისრაელელი სამხედროებისა და ისრაელის წინააღმდეგ იერიშების მისატანად იყენებდა.
"ჰეზბოლას ტერორისტული ორგანიზაცია სისტემატურად ნერგავს თავის ობიექტებს მშვიდობიან მოსახლეობაში, რაც ცეცხლის შეწყვეტის შეთანხმებით მიღწეული ურთიერთგაგების დარღვევაა და წარმოადგენს ცინიკურად მშვიდობიანი მოსახლეობის ცოცხალ ფარად გამოყენებას, რათა განხორციელდეს ტერორისტული თავდასხმები," - განაცხადა ისრაელმა.
IDF-ის მიხედვით, მიზანში ამოღებულ ობიექტზე ჰეზბოლას მოქმედებები "წარმოადგენს ისრაელსა და ლიბანს შორის ცეცხლის შეწყვეტის შეთანხმების დარღვევასა და საფრთხეს ისრაელის სახელმწიფოს წინააღმდეგ."
