უკრაინის შეიარაღებული ძალების გენერალური შტაბის განცხადების თანახმად, 16 ნოემბერს დრონებით იერიში მიტანილია სამარის ოლქში მდებარე ნავთობის გადამამუშავებელ ქარხანაზე.
ნოვოკუიბიშევის ნავთობის ქარხანა, ერთ-ერთი ყველაზე მსხვილი რუსული ქარხანაა, რომელიც წელიწადში 9 მილიონ ტონაზე მეტ ნავთობს ამუშავებს.
საწარმო 20-მდე სახეობის ნავთობის პროდუქტს აწარმოებს, მათ შორის რეაქტიული ტიპის საწვავს, რომლითაც რუსეთის ჯარი მარაგდება. ქარხნის ტერიტორიაზე დაფიქსირებულია აფეთქებები, დაზიანების მასშტაბები ზუსტდება.
გარდა ამისა, უკრაინამ იერიში მიიტანა ქვედანაყოფ "რუბიკონის" დრონების ერთ-ერთ საწყობზე.
