სამშაბათს, ინგლისის ბერკშირის საგრაფოში მდებარე უინძორის სასახლეში გამართულ ოფიციალურ ცერემონიალზე, დევიდ ბექჰემი ბრიტანეთის მეფე ჩარლზ III-მ რაინდად აკურთხა.
ინგლისის საფეხბურთო ნაკრების ყოფილი კაპიტანი ჯილდოს სპორტსა და ქველმოქმედებაში გაწეული ღვაწლისთვის დაეუფლა. იმავე ცერემონიაზე ჯილდოები მიიღეს იაპონელ-ბრიტანელმა მწერალმა და სცენარისტმა, კაზუო იშიგურომ და ვესტ ენდისა და ბროდვეის ვარსკვლავმა, ელენ პეიჯმა.
ბრიტანელმა ფეხბურთელმა ამ დღეს მისი ცხოვრების "ყველაზე საამაყო მომენტი" უწოდა.
"რა თქმა უნდა, ჩემს კარიერაში ძალიან გამიმართლა. მოვიგე ის, რაც მოვიგე, და გავაკეთე ის, რაც გავაკეთე, მაგრამ ასეთი პატივი, რაინდის ტიტულის მიღება, სცდება ყველაფერს, რაც კი ოდესმე წარმომედგინა," თქვა ბექჰემმა ცერემონიის შემდეგ ბრიტანულ სააგენტო PA Media-სთან.
