ისრაელის ქნესეთის წევრები პრემიერმინისტრ ბენიამინ ნეთანიაჰუს პარტია "ლიქუდიდან" ქვეყნის ლიდერს მოუწოდებენ, რომ 27 ივლისს საკანონმდებლო ორგანოს საზაფხულო სესიის დასასრულამდე მან დასავლეთ ბანაკი ისრაელს მიუერთოს.
თანაპარტიელების თქმით, ნეთანიაჰუმ ამის გასაკეთებლად ირანის წინააღმდეგ ომში მიღწეული "ისტორიული წარმატებები" უნდა გამოიყენოს.
"სტრატეგიული პარტნიორობა, აშშ-სა და მისი პრეზიდენტ დონალდ ტრამპის მხარდაჭერითა და გვერდში დგომით, ხელსაყრელ დროს ქმნის, რათა ეს ნაბიჯი ახლა გადაიდგას, და ისრაელის უსაფრთხოება თაობების განმავლობაში უზრუნველყოფილი იყოს," წერენ მინისტრები ნეთანიაჰუს პარტიიდან.
წერილში წამოწეული იდეა შეაქო ულტრამემარჯვენე პარტია "რელიგიური სიონიზმის" თავმჯდომარემ, ბეცალელ სმოტრიჩმაც, რომელიც თავდაცვის სამინისტროში მოქმედი მინისტრია. მისი თქმით, როგორც კი პრემიერმინისტრი "ბრძანებას გასცემს," იგი მზად იქნება, რათა "დაუყოვნებლივ" დაამყაროს ისრაელის სუვერენიტეტი დასავლეთ სანაპიროზე.
