ანექსირებული ტერიტორიების აღიარება, უარი NATO-ზე – მედიაში რუსეთის მემორანდუმი ვრცელდება

რუსულ სამთავრობო პროპაგანდისტულ მედიებში გამოქვეყნდა რუსეთის მემორანდუმი, რომლის შემუშავება ვლადიმირ პუტინმა მთავრობას დონალდ ტრამპთან სატელეფონო საუბრის დასრულების შემდეგ დაავალა.

მემორანდუმში წარმოდგენილია რუსეთის 12 მოთხოვნა უკრაინისადმი:

1. ყირიმის, დონეცკისა და ლუგანსკის რესპუბლიკების, ზაპოროჟიესა და ხერსონის ოლქების რუსეთის ფედერაციის ტერიტორიებად აღიარება; აღნიშნული ტერიტორიებიდან უკრაინის შეიარაღებული ძალების კონტინგენტისა და სხვა შეირაღებული ფორმირებების გაყვანა;
2. უკრაინის ნეიტრალიტეტი, რომელიც გულისხმობს უარის თქმას, ნებისმიერ სამხედრო კავშირსა და კოალიციაზე, ასევე კრძალავს მესამე სახელმწიფოს სამხედრო საქმიანობას;
3. აქამდე არსებული ყველა შეთანხმების შეწყვეტას, რომელიც ეწინააღმდეგება მე-2 პუნქტს;
4. უკრაინა არ იქნება ბირთვული სახელმწიფო;
5. რუსეთი განსაზღვრავს უკრაინის შეიარაღებული ძალების შემადგენლობის რაოდენობას, უნდა დაიშალოს შეიარაღებულ ძალებში შემავალი ნაციონალისტური ფორმირებები;
6. რუსულ ენას მიენიჭოს ოფიციალური სტატუსი, რუსულ და რუსულენოვან მოსახლეობას მიეცეთ სრული უფლებები და თავისუფლება;
7. კანონის დონეზე აიკრძალოს ნაციზმის და ნეონაციზმის პროპაგანდა, დაიშალოს ნაციონალისტური ორგანიზაციები, პარტიები;
8. ყველა მოქმედი სანქციის მოხსნა, რომელიც რუსეთსა და უკრაინას შორის მოქმედებს;
9. გადაადგილებული პირების დაბრუნება ოჯახებში;
10. ორმხრივი უარის თქმა ომში მიყენებული ზარალის ანაზღაურებაზე;
11. მოეხსნას შეზღუდვები უკრაინის მართლმადიდებელ ეკლესიას;
12. ეკონომიკური, დიპლომატიური, სატრანსპორტო და სხვა ტიპის ურთიერთობების აღდგენა (გაზის ტრანზიტის ჩათვლით);