ვლადიმირ პუტინისა და დონალდ ტრამპის სატელეფონო საუბარს გამოეხმაურა რუსეთის პრეზიდენტის თანაშემწე იური უშაკოვი.
მთავარი გზავნილები უშაკოვის განცხადებიდან:
- უკრაინის თემატიკაზე ტრამპმა და პუტინმა დეტალურად, საინტერესო ნიუანსებით ისაუბრეს;
- ცეცხლის შეწყვეტის კონკრეტულ დროზე მხარეებს არ უსაუბრიათ;
- პუტინმა და ტრამპმა ტყვეების მორიგ გაცვლაზე იმსჯელეს, ფორმატი – 9x9;
- პუტინმა და ტრამპმა სიღრმისეულად განიხილეს ომის დარეგულირების საკითხები;
- ტრამპმა აღნიშნა, რომ რუსეთს ხედავს, როგორც ერთ-ერთ მთავარ ეკონომიკურ პარტნიორს ომის დასრულების შემდეგ;
უშაკოვის მტკიცებით, საუბარი იმდენად კარგად წარიმართა, რომ ტრამპს "საუბრის შეწყვეტა და ყურმილის დადება" არ სურდა.
პუტინის თანაშემწის თქმით, აშშ-სა და რუსეთის ლიდერების შეხვედრა იგეგმება, თუმცა დრო და ადგილი ამ ეტაპზე უცნობია.
