რუსეთის მიერ უკრაინის ქალაქ კრივოი როგზე განხორციელებულ სარაკეტო თავდასხმას, სულ მცირე, ოთხი ადამიანი ემსხვერპლა, ცამეტი კი დაშავდა.
რეგიონის გუბერნატორის ცნობით, დაშვებულებს შორის ორი ბავშვია, რომელთაგან ერთ-ერთის მდგომარეობა მძიმეა. მისივე თქმით, დაზიანებულია საცხოვრებელი სახლები.
საჰაერო თავდასხმას უკრაინის პრეზიდენტი, ვოლოდიმირ ზელენსკი გამოეხმაურა და რუსეთის იერიშს ტერორი უწოდა.
"მსოფლიოს ნებისმიერ წერტილში ასეთ დარტყმებს ერთ სახელს უწოდებენ – ტერორს. ამის შესაჩერებლად ერთადერთი გზა არის მოსკოვსა და რუსულ სისტემაზე საკმარისი ზეწოლის განხორციელება, რათა ისინი იძულებულნი გახდნენ, უარი თქვან ომსა და ტერორზე [...]
ყველა მსგავსი რუსული დარტყმა ადასტურებს, რომ უკრაინას სჭირდება საკმარისი საჰაერო თავდაცვის სისტემა და რაკეტა, რათა შევძლოთ ჩვენი ხალხის დაცვა რუსული ტერორისგან". - წერს ზელენსკი X-ზე.
