საქართველოს კულტურული მემკვიდრეობის ეროვნული სააგენტოს განცხადებით, სვეტიცხოვლის სამხრეთ ნაწილში წვიმის შედეგად წყალი ჩავიდა.
"გვინდა, საზოგადოებას ვაცნობოთ, რომ უხვი ნალექის შედეგად სვეტიცხოვლის სამხრეთ ნაწილში მოხდა წყლის მცირე ინფილტრაცია". - წერს სააგენტო სოციალურ ქსელში.
სააგენტოს მტკიცებით, მონიტორინგის ჯგუფები დაუყოვნებლივ გამოცხადდნენ ადგილზე მდგომარეობის შესაფასებლად.
"ამ დროისთვის ტაძარს, ან ფრესკებს რაიმე სერიოზული საფრთხე არ ემუქრება". - წერია სააგენტოს მიერ გავრცელებულ განცხადებაში.
მათი თქმით, სააგენტო სპეციალისტებთან ერთად მუშაობს შემდგომ ჩასატარებელ ღონისძიებებზე, რათა ტაძარში წყლის განმეორებით ჩასვლა გამოირიცხოს.
