კანადის პრემიერ-მინისტრი მარკ კარნი აპირებს დანიშნოს ვადამდელი ფედერალური არჩევნები 28 აპრილისთვის. ამის შესახებ პირველმა, 20 მარტს, The Globe and Mail-მა წყაროებზე დაყრდნობით გაავრცელა ინფორმაცია. გამოცემის მიხედვით, მას ეს 23 მარტს უნდა გამოეცხადებინა.
კარნის ლიბერალური პარტიის წყაროებმა Reuters-ს განუცხადეს, რომ კარნი არჩევებნს პარტიის ლიდერის პოსტზე ჯასტინ ტრუდოს ჩანაცვლების შემდეგ მალევე გამოაცხადებდა, რათა ძლიერი მანდატი მოიპოვოს იმ დროს, როდესაც ურთიერთობები მეზობელ აშშ-სთან მწვავდება.
Reuters წერს, რომ მიუხედავად იმისა, რომ შემდეგი არჩევნები 20 ოქტომბერს უნდა გამართულიყო, კარნი ცდილობს იანვრის შემდეგ ლიბერალური პარტიის საზოგადოებრივ გამოკითხვებში გაუმჯობესებული პოზიცია გამოიყენოს.
სწორედ იანვარში დაიწყო აშშ-ს პრეზიდენტმა დონალდ ტრამპმა კანადის წინააღმდეგ მუქარები, ხოლო ყოფილმა პრემიერ-მინისტრმა ჯასტინ ტრუდომ გადადგომის შესახებ განაცხადა.
