29 მარტს რუსეთმა ხარკოვის ოლქზე იერიში მიიტანა, რის შედეგადაც დაიღუპა 2, ხოლო დაშავდა 3 ადამიანი.
ინფორმაციას ამასთან დაკავშირებით უკრაინის საგანგებო სიტუაციების სახელმწიფო სამსახური (ГСЧС), ხარკოვის ოლქის პროკურატურა და ხარკოვის ოლქის სამხედრო ადმინისტრაციის ხელმძღვანელი ოლეგ სინეგუბოვი ავრცელებენ.
ხარკოვის ოლქის სამხედრო ადმინისტრაციის ხელმძღვანელის, ოლეგ სინეგუბოვის ინფორმაციით, რუსეთმა კუპიანსკზე მასირებული საჰაერო იერიშები მიიტანა - რამდენიმე საათში ჩამოაგდო არანაკლებ 20 მართვადი ავიაბომბი (КАБ). თავდასხმის შედეგად დაზიანდა კრიტიკული ინფრასტრუქტურა და ხანძრები გაჩნდა სამოქალაქო ობიექტებზე.
აფეთქებების შედეგად დაიჭრა 85 წლის ქალი, ხოლო 76 წლის კაცმა მწვავე სტრესული რეაქცია მიიღო.
კუპიანსკზე განმეორებითი თავდასხმის შედეგად დაიღუპა 51 წლის კაცი.
20 მარტის დღის საათებში ხარკოვის ოლქის პროკურატურამ გაავრცელა ინფორმაცია, რომ კუპიანსკში დაღუპულთა რაოდენობა ორამდე გაიზარდა – მაშველებმა ნანგრევებიდან ამოიყვანეს გარდაცვლილი ადამიანის ცხედარი.
