15 ნოემბერს რუსეთმა უკრაინის ტერიტორიაზე 29 უპილოტო საფრენი აპარატით და რამდენიმე რაკეტით იერიში მიიტანა.
უკრაინის საჰაერო თავდაცვის ძალებმა 25 უპილოტო საფრენი აპარატისა და 1 რაკეტის განადგურება შეძლო.
საჰაერო ბრძოლა ნიკოლაევის, კიროვგრადის, ტერნოპოლისა და ოდესის ოლქებში მიმდინარეობდა.
გარდა ამისა, 8:30 საათზე უკრაინელებმა X-59 ტიპის მართვადი საავიაციო რაკეტა ჩამოაგდეს.
რუსეთი უკრაინის ტერიტორიას ავიაციითა და არტილერიით ყოველდღიურად ბომბავს.
