იაპონია უკანასკნელ ათწლეულებში ერთ-ერთ ყველაზე ძლიერ ტაიფუნს ებრძვის. კოკისპირულმა წვიმებმა და ქარბუქმა, რომლის სიჩქარეც 252 კმ/სთ-ს აღწევს, ყველაზე მეტად ქვეყნის სამხრეთ ნაწილი დააზარალა.
ტაიფუნის შედეგად გამოწვეულ მეწყერს, სულ მცირე, 3 ადამიანი ემსხვერპლა, ათობით ადამიანი კი დაშავებულია.
ადგილობრივი ხელისუფლების ცნობით, კუნძულ კიუშუზე, რომელიც შტორმმა ყველაზე მეტად დააზიანა, 255 000-მდე საცხოვრებელი სახლი ელექტროენერგიის გარეშეა დარჩენილი.
ამავდროულად, ქვეყნის სამხრეთ რეგიონში გაუქმებულია 700-ზე მეტი ფრენა.
