საქართველოში პოლონეთის საელჩო წმინდა მატრონა მოსკოველის ხატის ფოტოს აქვეყნებს, რომელზეც სტალინიცაა გამოსახული და რეპრესიებზე წერს. ხატი რამდენიმე თვეა, სამების ტაძარშია - ის ეკლესიას პატრიოტთა ალიანსმა შესწირა.
"პოლონეთის ეროვნული მეხსიერების ინსტიტუტმა პოლონეთის იმ მოქალაქეების საერთო რაოდენობა დაადგინა, რომლებიც საბჭოთა რეჟიმის მსხვერპლნი გახდნენ - 1.8 მილიონი. აქედან 150 ათასი დაიღუპა. მათი უმეტესობა 1939-1941 წლებშია რეპრესირებული, როდესაც სადამსჯელო ოპერაციების შედეგად დაახლოებით 1.6 მილიონი ადამიანი დაზარალდა. 200 000-მდე პოლონელი კი 1944-1952 წლების რეპრესიებში მოჰყვა. კვლევები ჯერ კიდევ გრძელდება" - წერს საელჩო.
9 იანვარს, Facebook-ზე გავრცელდა ვიდეო, სადაც ჩანს, რომ წმინდა მატრონა მოსკოველის ხატს ლურჯი საღებავი აქვს შესხმული. ამის მიზეზი, სავარაუდოდ, ხატზე არსებული იოსებ სტალინის გამოსახულებაა.
- ჯაღმაიძე სამებაში სტალინის გამოსახულებაზე: თემა წამოწიეს შობის დღესასწაულის გადასაფარად
- სამებაში ხატზე საღებავის შესხმაზე შსს-მ ადმინისტრაციული სამართალწარმოება დაიწყო
ინფორმაცია იმის შესახებ, რომ სამების საკათედრო ტაძარში წმინდა მატრონა მოსკოველის ხატია, 6 იანვარს სოციალურ ქსელში გავრცელდა.
