ბელარუსი: პოლონეთი ჩვენს ტერიტორიაზე ტერაქტების სერიას გეგმავს

ბელარუსის სახელმწიფო უსაფრთხოების კომიტეტის თავმჯდომარის, ივან ტერტელის თქმით, 7 პოლონური სპეციალურად გაწვრთნილი ჯგუფი ტერაქტებისთვისა და სახელმწიფო შენობების დაპყრობისთვის ემზადება.

"პოლონეთის ტერიტორიაზე ემზადება 7 სპეცდანიშნულების ჯგუფი, რომელიც ბელარუსში ტერაქტებს მოაწყობს. ყველაზე აგრესიულ ჯგუფს 1991 წელს დაბადებული ბელარუსის მოქალაქე ასადულაევი ხელმძღვანელობს, მისი ფსევდონიმი შლიახტიჩი". – ამბობს ტერტელი.

ტერტელის განცხადებას მოგვიანებით ქვეყნის პირველი პირი ალექსანდრ ლუკაშენკო გამოეხმაურა:

"ჩვენ და რუსეთის ფედერაციამ ოცამდე ტერორისტული ჯგუფი უკვე შევაჩერეთ. ვხედავთ სერიოზულ აქტივობას ბელარუსის ტერიტორიაზე. გასაგებია, რომ, როგორც ყოველთვის, ბელარუსის გავლით მოსკოვისკენ აქვთ გეზი აღებული. ამის უფლებას ვერ მივცემთ".