საქართველოს ეროვნული ბანკი 2023 წლის ოქტომბრის თვის მიმოხილვას აქვეყნებს, რომლის მიხედვითაც აგვისტოში საქართველოში გადმორიცხული თანხების მოცულობამ წინა წლის იმავე პერიოდთან შედარებით 14.1%-ით დაიკლო და 287.0 მლნ აშშ დოლარი შეადგინა, ხოლო საქართველოდან გადარიცხული თანხების მოცულობა 1.0%-ით 29.2 მლნ აშშ დოლარამდე შემცირდა.
სებ-ის მიმოხილვაში ასევე აღნიშნულია, რომ აშშ-დან გადმორიცხული ფულადი სახსრები მაღალი ტემპით განაგრძობს გზა - ჯამში გზავნილების ოდენობა 37.6%-ით არის გაზრდილი.
ამასთანავე წინა წლის მინიმალურ დონესთან შედარებით გაზრდილია უკრაინიდან გადმორიცხული ფულადი გზავნილებიც.
რაც შეეხება რუსეთიდან გზავნილებს, ფულადი გადმორიცხვები აგვისტოში წლიურად 46%-ით შემცირდა. ასევე დაიკლო ყირგიზეთიდან (63.9%-ით) და აზერბაიჯანიდან (20.2%) გადმორიცხულმა თანხებმაც. მცირედით არის შემცირებული ფულადი გზავნილების ოდენობა თურქეთიდანაც.
