საქართველოს ეროვნული ბანკის მონაცემებით, 2026 წლის აპრილში ქვეყანაში შემოსული ფულადი გზავნილების ნაკადების მოცულობამ 318.6 მილიონი აშშ დოლარი (857.3 მილიონი ლარი) შეადგინა, რაც 7.6%-ით (22.5 მილიონი აშშ დოლარი) მეტია 2025 წლის აპრილის ანალოგიურ მაჩვენებელზე.
ყველაზე მეტი (ჯამური ჩარიცხვების 18.33%) ფულადი გზავნილი ამერიკის შეერთებული შტატებიდან შემოვიდა - 58.3 მილიონი დოლარი, რაც 7.98%-ით მეტია 2025 წლის აპრილთან შედარებით. მეორე ადგილზეა იტალია (16.8%), საიდანაც გასულ თვეში 53.42 მილიონი დოლარი გადმოირიცხა - ეს წინა წელთან შედარებით 6.39%-იანი მატებაა.
მესამე ადგილზეა რუსეთი (13.22%) 42.06 მილიონი აშშ დოლარით, რაც 2025 წლის აპრილთან შედარებით 5.49%-იანი მატებაა.
ქვეყნები, საიდანაც გასულ თვეს საქართველოში ყველაზე მეტი თანხა გადმოირიცხა:
- აშშ - $58.3 მილიონი.
- იტალია - $53.44 მილიონი.
- რუსეთის ფედერაცია - $42.06 მილიონი.
- გერმანია - $28.61 მილიონი.
- ისრაელი - $27.24 მილიონი.
- საბერძნეთი - $25.44 მილიონი.
- თურქეთი - $11.57 მილიონი.
- ესპანეთი - $8.75 მილიონი.
- ყაზახეთი - $8.05 მილიონი.
- საფრანგეთი - $6.36 მილიონი.
- ირლანდია - $4.90 მილიონი.
- ყირგიზეთი - $4.72 მილიონი.
- გაერთიანებული სამეფო - $4.63 მილიონი.
- აზერბაიჯანი - $3.43 მილიონი.
- პოლონეთი - $3.15 მილიონი
სებ-ის ცნობითვე, 2026 წლის აპრილში საქართველოდან საზღვარგარეთ 35.2 მილიონი აშშ დოლარი (94.9 მილიონი ლარი) გადაიგზავნა, რაც წინა წლის ანალოგიურ მაჩვენებელთან შედარებით 10.2%-ით მეტია.
