ფრანგული ნიცას ახალგაზრდა ნახევარმცველი, ალექსის ბეკა ბეკა ქალაქ ნიცაში, იტალიისკენ მიმავალ ერთ-ერთ მაგისტრალზე ხიდიდან გადახტომას აპირებდა.
ფრანგი ფეხბურთელის შეჩერებას რამდენიმე საათის განმავლობაში კლუბის ფსიქოლოგი ცდილობდა, პარალელურად კი ოპერაციაში სამაშველო სამსახურის თანამშრომლები, მეხანძრეები და სამხედროები იყვნენ ჩართულნი.
გამოცემა BFM-ის ცნობით, ფეხბურთელმა გზატკეცილზე მანქანა გააჩერა, გადმოვიდა და ბარიერზე აძვრა. ხიდის სიმაღლე დაახლოებით 100 მეტრია. პოლიციამ პიროვნების ვინაობის დადგენა ავტომობილის ნომრით შეძლო.
ადგილობრივი მედიის ინფორმაციით, ინციდენტი რომანტიკული ურთიერთობის დასრულებას მოჰყვა.
