რუსეთის თავდაცვის სამინისტროს ინფორმაციით, უკრაინის შეიარაღებულმა ძალებმა მოსკოვის გარეუბანში უპილოტო საფრენი აპარატის გამოყენებით იერიში მიიტანეს. მათივე ცნობით, უპილოტო საფრენი აპარატი ისტრას რაიონში ჩამოაგდეს.
სამინისტროს განცხადებაში ნათქვამია, რომ თავდასხმა 26 აგვისტოს 3:00 საათზე მოხდა.
რუსული სახელისუფლებო მედიის ცნობით, მოსკოვის დომოდედოვოს და ვნუკოვოს აეროპორტებში ფრენები ერთი საათის განმავლობაში შეზღუდული იყო, თუმცა ამ ეტაპზე მუშაობა განახლებულია.
უკვე რამდენიმე დღეა, რაც მოსკოვზე დრონებით იერიშები გრძელდება.