გერმანია გეგმავს, უკრაინას 700 მილიონი ევროს ღირებულების დახმარების ახალი პაკეტი გაუგზავნოს. ამის შესახებ გერმანიის თავდაცვის სამინისტროს განცხადებაშია ნათქვამი.
დახმარების პაკეტი მოიცავს Patriot-ის 2 სისტემას, Marder-ის ტიპის 40 საბრძოლო მანქანას, Leopard 1 A5-ის ტიპის 25 ტანკს და Bergepanzer 2-ის ტიპის 5 მანქანას.
ამასთან, პაკეტში გათვალისწინებულია უკრაინისთვის LUNA-ს სადაზვერვო დრონის სისტემის გადაცემაც.
გერმანიის თავდაცვის მინისტრმა, ბორის პისტორიუსმა აღნიშნა, რომ დახმარების ახალი პაკეტით უკრაინის გაძლიერებაში მნიშვნელოვანი წვლილის შეტანა სურთ.
