4 ივლისისადმი მიძღვნილ ჯიუ ჯიცუს ტურნირზე ყველასთვის მოულოდნელად Imagine Dragons-ის ფრონტმენი დენ რეინოლდსი მივიდა. ამერიკელმა მომღერალმა ასპარეზობა მესამე ადგილზე დაასრულა და ჯილდოდ ბრინჯაოს მედალი მიიღო.
რეინოლდსმა ოთხი მეტოქიდან 3 დაამარცხა და ტურნირი მესამე ადგილზე დაასრულა. შეჯიბრს ესწრებოდა რეინოლდის მეგობარი ქალი, მსახიობი მინკა კელი.
რეინოლდსი და მის ბენდი Imagine Dragons მსოფლიო ტურნესთვის ემზადება, რომლის ფარგლებშიც როკ ბენდი კონცერტს თბილისში, მიხეილ მესხის სახელობის სტადიონზე 31 აგვისტოს გამართავს.
Imagine Dragons ამერიკული პოპ როკ ბენდია, რომელიც ლას-ვეგასში 2008 წელს ჩამოყალიბდა. ჯგუფის წარმატებულ სიმღერებს შორის არის Radioactive, Demons, Believer, Thunder, Whatever It Takes. ხანმოკლე კარიერის განმავლობაში ბენდს მიღებული აქვს American Music Awards-ის, გრემისა და BMI-ს ჯილდოები.
