სომხეთში მიმდინარე ძალოსნობის ევროპის ჩემპიონატი ქართველი სპორტსმენების ტრიუმფით დასრულდა.
ლაშა ტალახაძე კარიერაში მეშვიდედ ევროპის ჩემპიონი გახდა. ტალახაძემ აკვრასა, ატაცსა და ორჭიდში ოქროს მედლები მოიპოვა და ასპარეზობა ჯამური 474 კგ-ის აწევით დაასრულა.
ევროპის ჩემპიონატზე საქართველოს ნაკრებმა 13 ძალოსნით იასპარეზა. მათგან შვიდმა ანასტასია გოტფრიდმა, რამინ შამილიშვილმა, შოთა მიშველიძემ, ირაკლი ჩხეიძემ, გიორგი ჩხეიძემ და ზაზა ლომთაძემ შეჯიბრი მედლებით დაასრულეს. ჯამში ნაკრებმა 8 ოქროს, 7 ვერცხლის და 2 ბრინჯაოს მედალი მოიპოვა.
ლაშა ტალახაძე სპორტის მრავალი ჟურნალისტის აზრით ყველა დროის ყველაზე დიდი ძალოსანია. ქართველ სპორტსმენს ორი ოლიმპიური ოქრო აქვს მოპოვებული, ასევე არის მსოფლიოს ექვსგზის და ევროპის შვიდგზის ჩემპიონი.