მოსკოვში რუსეთის საგანგებო სიტუაციების სამინისტროს გენერალ-ლეიტენანტს, ანატოლი ელიზაროვს ყინულის დიდი ლოლუა დაეცა.
ყინულის ნაგლეჯი არასაცხოვრებელი შენობიდან ჩამოვარდა. ელიზაროვი დაშავდა და საავადმყოფოშია გადაყვანილი.
რუსეთის საგამოძიებო კომიტეტის ხელმძღვანელმა, ალექსანდრ ბასტრიკინმა გასცა ბრძანება, რომ მომხდართან დაკავშირებით ანგარიში ჩააბარონ.
დოროგომილოვსკაიას რაიონთაშორისი პროკურატურა მომხდარ ფაქტთან დაკავშირებით ატარებს შემოწმებას, რომლის მიზანიცაა არასაცხოვრებელი შენობის მოვლა-პატრონობისა და ყინულისგან გაწმენდაზე პასუხისმგებელ პირთა დადგენა.
ტელეგრამ-არხებზე გავრცელდა კადრებიც, რომლებშიც ჩანს ყინულის ჩამოვარდნა.
