კლინიკა ვივამედის კლინიკური დირექტორის, ზურაბ ჩხაიძის განცხადებით, მიხეილ სააკაშვილი მზად არის, რომ სასამართლო პროცესს დისტანციურად დაესწროს. ამის შესახებ მან ჟურნალისტებს უთხრა.
"მე რამდენადაც ვიცი, მზად არის, რომ ჩაერთოს”,- თქვა ჩხაიძემ ინტერპრესნიუსის ცნობით.
ადვოკატ შალვა ხაჭაპურიძის ცნობით, თავის მხრივ, სასამართლო მზადაა, ექსპრეზიდენტი დისტანციურად ჩართოს.
"მომზადებულია მონიტორები" - აღნიშნა მან.
მიხეილ სააკაშვილისთვის სასჯელის გადავადების ან გაუქმების შესახებ სასამართლო პროცესი 14 დეკემბერს, 11:00 საათზეა ჩანიშნული.