ბრიტანელმა მუსიკოსმა, ელტონ ჯონმა Twitter-ი დატოვა. მიზეზად მუსიკოსმა დეზინფორმაციასთან დაკავშირებით წესების ბოლო ცვლილება დაასახელა.
Twitter-მა გასულ თვეს შეაჩერა იმ ანგარიშების წინააღმდეგ მოქმედება, რომლებიც COVID-19-ის შესახებ შეცდომაში შემყვან ინფორმაციას ავრცელებენ.
"გადავწყვიტე Twitter-ი აღარ გამოვიყენო, რადგან წესების ბოლო ცვლილებით, პლატფორმა დეზინფორმაციას საშუალებას აძლევს შეუმოწმებლად გავრცელდეს". - თქვა ელტონ ჯონმა.
კომპანიის მფლობელი, ილონ მასკი იმედოვნებს, რომ მუსიკოსი პლატფორმაზე დაბრუნდება.
"მე მიყვარს თქვენი მუსიკა. იმედია, დაბრუნდებით. არის თუ არა რაიმე კონკრეტული დეზინფორმაცია, რაც გაწუხებს?". - აღნიშნა ილონ მასკმა საპასუხოდ.
28 ოქტომბერს ილონ მასკმა სოციალური ქსელ Twitter-ის $44 მილიარდიანი შეთანხმება დაასრულა და კომპანიის მფლობელი გახდა.
მას შემდეგ, რაც მასკმა Twitter-ზე კონტროლი ოქტომბერში მოიპოვა, აღადგინა ქეითი გრიფინის, ჯორდან პიტერსონისა და Babylon Bee-ის ანგარიშები. მასკის თქმით, კომპანიის ერთ-ერთ მთავარ გამოწვევად სიტყვის თავისუფლების დაცვასა და სიძულვილის ენის გავრცელების შეზღუდვის შორის ბალანსის პოვნაა. ასევე, გასულ კვირას, გამოკითხვის ჩატარების შემდეგ მასკმა დონალდ ტრამპის Twitter-ის ანგარიშიც აღადგინა.
"Twitter-ის ახალი პოლიტიკა არის სიტყვის, მაგრამ არა გავრცელების თავისუფლება". - წერდა მასკი.
მასკის გეგმების შესახებ დეტალურად შეგიძლიათ წაიკითხოთ ტაბულას სტატია: "ჩიტი გათავისუფლებულია" – როგორ შეცვლის ილონ მასკი TWITTER-ს?