მარნეული

ბაირამოვა: მარნეულში 20 წლის გოგო მოიტაცეს, მეორე დღეა პოლიცია არ რეაგირებს

მარნეულის სოფელ ამბაროვკიდან 20 წლის გოგო იძულებით მოიტაცეს. ინფორმაციას სამოქალაქო აქტივისტი, სამირა ბაირამოვა ავრცელებს.

ბაირამოვას თქმით, ახალგაზრდა ქალის ოჯახის წევრები მასთან საუბარში ამბობენ, რომ გატაცების ფაქტზე პოლიციისთვის ცნობილია, თუმცა, ამ დრომდე სამართალდამცველებმა გოგო ვერ იპოვეს. ახალგაზრდა ქალის ოჯახი სამოქალაქო აქტივისტთან საუბარისას ამბობს, რომ მეორე დღეა პოლიცია მომხდართან დაკავშირებით არ რეაგირებს.

"გოგოს მშობლებმა და ახლობლებმა დილით დამირეკეს და მითხრეს, რომ პოლიცია არ რეაგირებს და გვიშველეო. პოლიციის მხრიდან რეაქციის არ ქონას აქვს ერთი მიზეზი, ელოდებიან, რომ მშობლები სხვადსხვა ადამიანების მეშვეობით როდის შერიგდებიან. ამ შერიგების პროცესში საჯარო მოხელებიდან დაწყებული, ახლო ნათესავებით დამთავრებული, ბევრი ადამიანი არის ხოლმე ჩართული. ოჯახს აიძულებენ ფსიქოლოგიურად, ემოციურად, რომ დათანხმდეს, რადგან მისი გოგო უკვე მეორე ხარისხოვანია, ყველამ იცის, რომ მოტაცებულია, ჯობია "ეს შანსი" არ დაკარგონ მაინც ერთი გოგო ერთი ბიჭისთვისაა". - წერს სამირა ბაირამოვა.

ტაბულა მომხდართან დაკავშირებით შინაგან საქმეთა სამინისტროს დაუკავშირდა დაუკავშირდა. უწყებიდან დამატებით ინფორმაციას მიღებისთანავე შემოგთავაზებთ.

კომენტარები