საქართველოში ამერიკის შეერთებული შტატების საელჩო განცხადებას ავრცელებს და აღნიშნავს, რომ აშშ განაგრძობს საქართველოს ევროატლანტიკური მისწრაფებების მხარდაჭერას.
"შეერთებული შტატები განაგრძობს საქართველოს ევროატლანტიკური მისწრაფებების მხარდაჭერას. ჩვენ ქართველი ხალხის გვერდით ვდგავართ და გპირდებით, რომ ვიქნებით თქვენი პარტნიორი აუცილებელი რეფორმების განხორციელებაში". – ნათქვამია განცხადებაში.
საელჩომ განცხადება 20 ივნისს რუსთაველის გამზირზე გამართული მასშტაბური აქციის – შინ, ევროპისკენ! – ფოტოსთან ერთად გამოაქვეყნა.
