ლომჯარია: ძალიან სუსტია არგუმენტი, რომ ევროპარლამენტარები FAKE-ის მსხვერპლი არიან

გუშინ ყველა გამომსვლელი, ევროპის პარლამენტის წევრი, იყო ძალიან კრიტიკული შექმნილი ვითარების მიმართ, ამიტომ, ძალიან სუსტია ის არგუმენტი, რომ ყველანი არიან FAKE-ნიუსების მსხვერპლი, მით უმეტეს, რომ ამ საკითხებზე, რაზეც საუბრობდნენ გუშინ პარლამენტარები, არსებობს საერთაშორისო ორგანიზაციების დასკვნები. ისინი არ საუბრობდნენ ვიღაცის მოყოლილის საფუძველზე, საუბრობდნენ საერთაშორისო ორგანიზაციების, ეუთოს მომხსენებლის, საერთაშორისო უფლებადამცველი ორგანიზაციებისა და საკუთარი მიგნებებისა და დასკვნების საფუძველზე, ამიტომ, ეს, რა თქმა უნდა, არ იყო ჭორებზე დაფუძნებული.