როგორც დღეს აღმოჩნდა, საზოგადოების დიდმა ნაწილმა უკვე ძალიან კარგად იცის, რა განსხვავება და ალტერნატივა შევთავაზეთ ჩვენს თბილისელებს კოალიციურმა მთავრობამ 2 დღის წინ და არ დაგიმალავთ, ძალიან მიხარია, რომ ეს ყველაფერი ხდება ჩვენს ყოფაში, ეს ყველაფერი შესაძლებელი გახდა. საზოგადოებაში არის ერთიანობის მოთხვნა, დღეს დავრწმუნდით ჩვენ ისანსა და სამგორში, როდესაც მჭიდრო კომუნიკაციის შესაძლებლობა მოგვეცა ამომრჩეველთან. ჩვენ განგებ გადავწყვიტეთ, რომ წინასწარ დაგეგმილი შეხვედრები არ ჩაგვეტარებინა ამომრჩეველთან.
მე დღეს შემხვდა ორი ადამიანი, რომელმაც მითხრა, რომ პირველ ტურში მონაწილეობა არ მიუღია, მაგრამ ახლა მოდის. ორი ადამიანი ასეთი მე პირადად შემხვდა. ერთმა ქალბატონმა მითხრა, ბოლო წლების განმავლობაში საერთოდ არ ვიღებ მონაწილეობას არჩევნებში, მაგრამ მოვდივარო. ეს არ არის ავარდნილი ოპტიმიზმი, რასაც ვაკვირდები, უბრალოდ რომელიმე ცალკე აღებულ მოქალაქეს რომ უნდა, გაიმარჯვოს ოპოზიციამ, არა. დავინახე რწმენა. რწმენა, რომელიც გაღვივდა ისე, როგორც ვერ წარმოვიდგენდი თუნდაც ერთი კვირის წინ.
2-თვენახევარია, რაც თბილისში კამპანიას ვაწარმოებ და მაშინაც ხომ დავდიოდი ქალაქში?! დავინახე დიდი კონტრასტი. ჩვენ ვუპასუხეთ საზოგადოების დაკვეთას.