საკოორდინაციო საბჭოს გადაწყვეტილებით, ვაქცინაციის გაფართოების მიზნით, აცრის პროცესში სამხედრო ექიმებიც ჩაერთვებიან.
"სამხედრო ექიმებით დაკომპლექტებული ბრიგადები სხვადასხვა მუნიციპალიტეტში, სხვადასხვა ლოკაციაზე განახორციელებენ ვაქცინაციას". – ამბობს გიორგი ღიბრაძე.
დღეს, 12 აგვისტოს, ცნობილი გახდა, რომ სამი კვირის განმავლობაში, 14 აგვისტოდან 4 სექტემბრამდე, მუნიციპალური ტრანსპორტის მოძრაობა შეიზღუდება. გადაადგილების შეზღუდვა არ შეეხება საქალაქთაშორისო ტრანსპორტს.
ასევე, ამავე პერიოდში, კვების ობიექტების მუშაობა ღამის 00:00 საათის ნაცვლად დასაშვები იქნება 23:00 საათამდე. შეიზღუდება კონცერტები და სპორტული ღონისძიებები, გარდა იმ სპორტული შეჯიბრებებისა, რომელიც იმართება საერთაშორისო ეგიდით.