პრეზიდენტ ჯო ბაიდენის ადმინისტრაცია ჩინეთზე დაწესებული ტარიფების მოხსნას უახლოეს მომავალში არ აპირებს, თუმცა სავაჭრო მოლაპარაკებების წარმოებას არ გამორიცხავს, ამბობს აშშ-ის სავაჭრო წარმომადგენელი კეტრინ ტაი The Wall Street Journal-თან ინტერვიუში.
ტაის თქმით, მას კარგად ესმის, რომ სავაჭრო შეზღუდვებმა, შესაძლოა, ნეგატიური გავლენა მოახდინონ აშშ-ის ბიზნესსა და მომხმარებლებზე, თუმცა ტარიფები ჩინეთის მიერ სუბსიდირებული კომპანიებისგან თავდაცვისა და კონკურენციის ხელშეწყობის საშუალებას იძლევა.
ტაის აზრით, სავაჭრო ტარიფები ბერკეტია, რომელიც აშშ-მ მოლაპარაკების პროცესში უნდა გამოიყენოს.
2021 წლის 17 მარტს აშშ-ის სენატმა ტაის კანდიდატურა 98-0 ხმით დაადასტურა.
პრეზიდენტ დონალდ ტრამპის ადმინისტრაციამ ჩინეთს თითქმის 370 მილიარდი დოლარის პროდუქტებზე დაუწესა ტარიფები.
სავაჭრო ომში საპასუხოდ, ჩინეთმა 110 მილიარდი დოლარის ღირებულების ამერიკულ პროდუქტებს დაუწესა ტარიფები.
