ამ შეთანხმებასთან დაკავშირებით ძალიან ბევრი სპეკულაცია არის და არ დავიჯეროთ. ის პოზიციები და ის დაძაბულობა, რაც არსებობდა, რასაკვირველია, ვერსად ვერ წავა.
ოპოზიციის ბრალია ეს თუ უმრავლესობის ბრალია, ამას საზოგადოება გადაწყვეტს, ვინც ჩვენ გვისმენს, ვინც თქვენ გისმენთ, ვინაიდან, არსებობს ძალიან აშკარა პოზიციები ერთი და მეორე მხრიდან.
მთავარი თემა არის არჩევნების თემა - გაყალბდა თუ არა არჩევნები და ამაზე მთელმა მსოფლიომ გასცა პასუხი, რომ არჩევნები იყო კონკურენტული და გადაცდომებმა შედეგებზე გავლენა არ იქონია. ეს არის ამოსავალი წერტილი და ამასთან დაკავშირებით პოზიციები არსად არ დაიკარგება. არც ერთი და არც მეორე მხარე არ შეცვლის თავის პოზიციას...