ევროპარლამენტარი მწვანეთა ალიანსიდან, მარკეტა გრეგოროვა ნიკა მელიას დაკავებას საკუთარ Twitter-ზე ეხმაურება:
"ძალიან გულდასაწყვეტია საქართველოში განვითარებული მოვლენები. ოპოზიციის ლიდერის, ნიკა მელიას დაკავება დემოკრატიის უკუსვლის აისბერგის მხოლოდ წვერია. პოლიტიკური პატიმრების სიაში მატება ევროპისაკენ პროგრესის გზა არაა". – წერს ის.
შსს-ს საპოლიციო ძალები ენმ-ის ოფისში 23 თებერვლის დილას შევიდნენ და ნიკა მელია დააკავეს. ადგილზე მყოფი ადამიანების თქმით, ენმ-ის თავმჯდომარის ოთახში შეჭრილმა სამართალდამცველებმა ცრემლსადენი გაზი გაუშვეს.