მთავრობა საბავშვო ბაღების, პროფსასწავლებლების და უნივერსიტეტების გახსნას პირველი მარტიდან გეგმავს. განაცხადა საკოორდინაციო საბჭოს სხდომის შემდეგ ვიცეპრემიერმა მაია ცქიტიშვილმა.
"როგორც თბილისში, ისე საქართველოს სხვა ქალაქებში". - აღნიშნა ცქიტიშვილმა.
რაც შეეხება სკოლებს, რვა ქალაქიდან ხუთში (ბათუმი, თელავი, ზუგდიდი, ფოთი, გორი) სწავლა პირველი თებერვლიდან დაიწყება, ხოლო თბილისში, რუსთავსა და ქუთაისში - პირველი მარტიდან. სკოლებში არადისტანციური სწავლების აღდგენა ყველა კლასის მოსწავლეს ეხება.