მაკოლეი კალკინი ემხრობა იდეას, რომ საკულტო საახალწლო ფილმში — Home Alone-ის მეორე ნაწილში დოლანდ ტრამპი სცენიდან ამოჭრან და ის სხვა მსახიობით ჩაანაცვლონ.
ამერიკის პრეზინდენტი Home Alone-ის მეორე ნაწილში რამდენიმე წუთით ჩანს, როდესაც ის მაკოლეი კალკინის პერსონაჟს, კევინს სასტუმროში ხვდება და სწორ მიმართულებას ასწავლის.
რამდენიმე დღის წინ, Twitter-ის მომხმარებელმა დაპოსტა ვიდეო, სადაც იმავე სცენიდან დონალდ ტრამპი ამოჭრილია და მხოლოდ კევინია დარჩენილი. მაკოლეი კალკინმა პოსტზე კომენტარად "ბრავო" დაწერა.
ამის შემდეგ, Twitter-ის კიდევ ერთმა მომხმარებელმა, Home Alone-ის მეორე ნაწილიდან არა მხოლოდ დონალდ ტრამპის სცენის ამოჭრა მოითხოვა, არამედ მისი სხვა მსახიობით ჩანაცვლებაც, რასაც მაკოლეი კალკინი ასევე დაეთანხმა.
14 იანვარს, აშშ-ის პრეზიდენტს, დოლანდ ტრამპს, წარმომადგენელთა პალატამ იმპიჩმენტი მეორედ გამოუცხადა. ამბოხებისაკენ მოწოდების ბრალდებით, ტრამპის იმპიჩმენტის მომხრე იყო ყველა დემოკრატი კანონმდებელი, ასევე 10 რესპუბლიკელი კონგრესმენი, ჯამში - 232 კონგრესმენი.
ტრამპი აშშ-ს ისტორიაში პირველი პრეზიდენტი გახდა, რომელსაც წარმომადგენელთა პალატამ იმპიჩმენტი ორჯერ გამოუცხადა.