იტალიის ჩრდილოეთში, ქალაქ კომოში მცხოვრებმა კაცმა ცოლთან კამათის შემდეგ, განტვირთვის მიზნით, 450 კილომეტრი გაიარა.
უცნობი 48 წლის კაცი სახლიდან 450 კილომეტრის მოშორებით, ქალაქ ფანოში, ღამის 2 საათზე პოლიციამ კომენდანტის საათის დარღვევის გამო გააჩერა. მისი სახელის გადამოწმებისას გაირკვა, რომ კაცზე კომოში ძებნა იყო გამოცხადებული.
"ფეხით მოვედი, ტრანსპორტი არ გამომიყენებია, თავს კარგად ვგრძნობ, უბრალოდ ცოტა დავიღალე". – განუცხადა პოლიციას დაკავებისას უცნობმა იტალიელმა.
ადგილობრივი პრესის ცნობით, მოგზაური დღეში 60 კილომეტრს გადიოდა და საჭმელს გამვლელებს სთხოვდა.