ზუგდიდის სოფელ წყაიაში ავარიის შედეგად 6 წლის ბავშვი გარდაიცვალა. შემთხვევა სახლის ეზოში მოხდა, როცა დედა მანქანას აყენებდა.
გოგოს ზუგდიდის რეფერალურ საავადმყოფოში ორი ოპერაცია ჩაუტარდა, თუმცა მისი გადარჩენა ვერ მოხერხდა.
როგორც ტაბულას შსს-ში უთხრეს, გამოძიება სისხლის სამართლის კოდექსის 124-ე მუხლით დაიწყო, რაც ჯანმრთელობის ნაკლებად მძიმე ან მძიმე დაზიანებას გულისხმობს გაუფრთხილებლობით.
