ჯანდაცვის სამინისტროს სამედიცინო და ფარმაცევტული საქმიანობის რეგულირების სააგენტოს თანამშრომელს COVID 19 დაუდასტურდა – ამის შესახებ ინფორმაცია ტაბულას ჯანდაცვის სამინისტროში დაუდასტურეს.
უწყებაში აცხადებენ, რომ შემთხვევა რამდენიმე დღის წინ გამოვლინდა და ინფიცირებულთან კონტაქტში მყოფი ყველა პირი კარანტინში იმყოფება.
22 აგვისტოს საქართველოში კორონავირუსის 9 ახალი შემთხვევა დადასტურდა, გამოჯანმრთელდა 4 ადამიანი. ბოლო მონაცემებით ქვეყანაში კორონავირუსით ინფიცირების 1394 შემთხვევაა დადასტურებული, მათგან 1132 პაციენტი გამოჯანმრთელდა, 17 კი გარდაიცვალა.
