EPA
Reuters
Reutersუკრაინაში, ჩერნობილის ატომური ელექტროსადგურიდან რამდენიმე კილომეტში, ტყე იწვის. ამჟამად ცეცხლის ჩაქრობას 300-ზე მეტი მეხანძრე, 3 თვითმფრინავი და 3 ვერტმფრენი ცდილობს.
ჩერნობილის ტუროპერატორების ასოციაციის წარმომადგენლის თქმით, ხანძარმა უკვე მიაღწია მიტოვებულ ქალაქ პრიპიატანმდე და რამდენიმე კილომეტრშია ატომური ელექტროსადგურის აფეთქებული ნაწილიდან, ასევე ადგილიდან, სადაც რადიოაქტიური ნარჩენები დაიმარხა. მან გაავრცელა ვიდეო, რომელშიც ტყის ხანძარი და მეხანძრეები ჩანან.
იაროსლავ იემელიანენკო მთავრობას ვითარების სიმწვავის დამალვაში ადანაშაულებს. უკრაინის საგანგებო სიტუაციების სამსახურში კი განაცხადეს, რომ ვითარება რთულია, თუმცა მოსახლეობას სიმშვიდისაკენ მოუწოდეს და თქვეს, რომ დედაქალაქ კიევში რადიაციის დონე ნორმალურია. მათივე თქმით ატომურ ელექტროსადგურს და რადიოაქტიური ნარჩენების სამარხს ხანძარი ჯერ-ჯერობით არ ემუქრება.
ხანძარი ჩერნობილში 4 აპრილს გაჩნდა. პოლიციის თქმით, ადგილობრივმა მოსახლეობამ ბალახს ცეცხლი წაუკიდა და ხანძარიც ამან გამოიწვია. ხანძრის გავრცელებას ხელი ძლიერმა ქარმა შეუწყო.
