ეროვნულ დემოკრატიული ინსტიტუტის (NDI) უკანასკნელი კვლევის თანახმად, გამოკითხულთა 71% თვლის, რომ დაგროვებით საპენსიო სქემაში მონაწილეობა 40 წლამდე პირებისთვისაც ნებაყოფლობითი უნდა იყოს.
მხოლოდ 7%-ის აზრით უნდა იყოს 40 წლამდე ასაკის ადამიანებისთვის სქემაში მონაწილეობა სავალდებულო. გამოკითხულთა 7% არცერთ ვარიანტს ემხრობა, "არ ვიცი" უპასუხა 14%-მა.
გარდა ამისა, მოსახლეობის 57%-ს არ სჯერა, რომ როდესაც პენსიაზე გავა, საპენსიო ფონდში დაგროვილი ფულით სარგებლობას შეძლებს.
კითხვაზე დადებითი პასუხი გამოკითხულთა 30%-მა გასცა, "არ ვიცი" უპასუხა 13%-მა.
საველე სამუშაოები ჩატარდა 13-29 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,131 პირისპირ ინტერვიუს წარმომადგელობითი შერჩევის საფუძველზე. საშუალო ცდომილებაა 1.7%.
NDI-ის კვლევები ფინანსდება დიდი ბრიტანეთის მთავრობის UK aid-ის მხარდაჭერით. საველე სამუშაოები ჩაატარა CRRC–საქართველომ.