27 აგვისტოს თეთრი სახლის ეროვნული უსაფრთხოების მრჩეველი ჯონ ბოლტონი კიევს ეწვია. ეს უკრაინის ახალი პრეზიდენტის ვოლოდიმირ ზელენსკის არცევის შემდეგ აშშ-ის მაღალი რანგის წარმომადგენლის პირველი ვიზიტია.
"ველოდები ჩემ მომავალ შეხვედრებს კიევში, ჩვენ პარტნიორებთან. ჩვენ მხარს ვუჭერთ პრეზიდენტ ზელენსკის რეფორმების ძალისხმევას და უფრო ძლიერი და წარმატებული უკრაინის შექმნის ხედვას," - წერს ბოლტონი თავისი Twitter-ის გვერდზე.
მომავალ დღეებში ბოლტონი მოლდოვასაც ეწვევა.
2012 წლის შემდეგ აშშ უკრაინას 3 მილიარდი ამერიკული დოლარით დაეხმარა, მათ შორის 1.5 მილიარდი სამხედრო შეიარაღებისთვის.
სექტემბერში დონალდ ტრამპისა და ვოლოდიმირ ზელენსკის შეხვედრა არის დაგეგმილი.
6 აგვისტოს უკრაინაში აშშ-ის ელჩის მოვალეობის შემსრულებელმა უილიამ ტეილორმა თქვა, რომ უკრაინას მეტი ტანკსაწინააღმდეგო რაკეტის ჯაველინების სისტემის შეძენა სურდა. უკრაინამ აშშ-ისგან ჯაველინების სისტემა 2018 წლის მაისში შეისყიდა.