ჯიოევი: დაკავებულია რვა ადამიანი, ისინი ალკოჰოლური და ნარკოტიკული თრობის ქვეშ იყვნენ

ოკუპირებული „სამხრეთ ოსეთის“ დე ფაქტო პრეზიდენტის წარმომადგენელის, პოსტკონფლიქტური დარეგულირების საკითხებში, მურატ ჯიოევის თქმით, საქართველოს რვა მოქალაქე „მესაზღვრეებმა“ ე.წ. სამხრეთ ოსეთის დასახლებულ პუნქტ აძესარში ე.წ საზღვრის უკანონო კვეთის ბრალდებით დააკავეს. ამის შესახებ ჯიოევმა ცხინვალის საინფორმაციო სააგენტო „რეს“-ს უთხრა. საოკუპაციო ხაზთან რუსმა ოკუპანტებმა საქართველოს 7 მოქალაქე გუშინ გაიტაცეს. ისინი სოფელ ახალუბანში ცხოვრობენ. დღეს კიდევ ერთი ადამიანი გაიტაცეს სოფელ არცევიდან. სუს-ის ინფორმაციით,ყველა მათგანი ცხინვალის იზოლატორშია გადაყვანილი.