ძლიერი წვიმების შედეგად გამოწვეულმა წყალდიდობებმა სამხრეთ და დასავლეთ ინდოეთში სულ მცირე, 33 ადამიანის გარდაცვალება და 180 ადამიანის ევაკურიება გამოიწვია.
ინდოეთის ხელისუფლებამ ამის შესახებ ინფორმაცია დღეს, 8 აგვისტოს გაავრცელა.
"თუ ძლიერი წვიმები არ შეწყდება, მოგვიწევს მდინარეებში წყლის ხელოვნურად შემცირება",- თქვა სამთავრობო პირმა დიპაკ მაისკარიმ და დაამატა, რომ მრავალი რეზერვუარი ქვეყნის ინდუსტრიულ ქალაქ პუნის გარშემო სავსეა. გარდა ამისა, სავსეა რეზერვუარები ინდოეთის შტატ კარნატაკაში.
ადამიანებით სავსე ნავის გადაბრუნების შედეგად, 9 მათგანი დაიღუპა, 4 ადამიანს კი ჯერჯერობით ვერ პოულობენ.
სინოპტიკოსების თქმით, ძლიერი წვიმები მომავალი 4-5 დღის განმავლობაში ინდოეთის შტატებში არ შეწყდება, მათ შორის გოასა და კერალას შტატში.
უწყების თანახმად, სკოლები და კოლეჯეხები ორშაბათიდან მოყოლებული დაკეტილია და დიდი ალბათობით, არც ამ კვირაში გაიხსნება.