სანქტ-პეტერბურგში ათასობით მომიტინგე სამართლიან არჩევნებს ითხოვს

24 ივლისს რუსეთში სანქტ-პეტერბურგში ათასობით მომიტინგემ ქალაქის საარჩევნო პროცედურების დარღვევა გააპროტესტა და სამართლიანი არჩევნები მოითხოვა. 

8 სექტემბერს სანქტ-პეტერბურგში გუბერნატორების და მუნიციპალური არჩევნებია ჩანიშნული, სადაც 100-ზე მეტ კანდიდატს დარეგისტრირების უფლება არ მისცეს. 

ადგილობრივი მედიის ინფორმაციით, კანდიდატების მხარდასაჭერად სამოქალაქო აქტივისტები და ოპოზიცია გაერთიანდა. 

აქციაზე სკანდირებდნენ "დაუშვი!"; "ეს ჩვენი ქალაქია!"; "პუტინი ქურდია!"

აქციაში 4000-ზე მეტმა ადამიანმა მიიღო მონაწილეობა.

5 დღის წინ მოსკოვში 20 000-ზე მეტმა მომიტინგემ აქციაზე "დაუშვი" ქალაქის საკრებულოს არჩევნებზე ოპოზიციონერი კანდიდატების დარეგისტრირებას და თავისუფალი, სამართლიანი ადგილობრივი არჩევნების ჩატარება მოითხოვა.