ევროკავშირის სადამკვირვებლო მისიის მონიტორინგის ხელმძღვანელის, ერიკ ჰოეგის თქმით დიდი ხურვალეთში საქართველოს კონტროლირებად ტერიტორიაზე ინციდენტები არ აღრიცხულა.
ამის შესახებ ერიკ ჰოეგმა ტვიტერზე დაწერა.
" #EUMM დიდი ხურვალეთის ტერიტორიაზე პატრულირება მიმდინარეობს. "ბორდერიზაციის" ახალი ნიშნები არ არის. უსაფრთხოების სამსახური ადგილზეა, მაგრამ ინციდენტები არ აღურიცხავს. ყველა მექანიზმი, ცხელი ხაზის ჩათვლით, ამოქმედებულია კომუნიკაციის უზრუნველსაყოფად."- წერს ერიკ ჰოეგი.
ხურვალეთში რუსი ოკუპანტების გამოჩენის შესახებ ფოტო და ინფორმაცია ადგილობრივმა მკვიდრმა, ხურვალეთის მოხუცთა თავშესაფრის ხელმძღვანელმა ლუდა სალიამ გაავრცელა. მისი თქმით, რუსი სამხედროები მოსახლეების ეზოებში არიან.
![კობახიძე: რაღაც მომენტში [EU-ში] ვიღაცამ უნდა დაინახოს, რომ ასე გაგრძელება აღარ შეიძლება](https://api.tabula.ge/files/styles/news_thumb_md/public/photos/2025/03/image_2025-03-04_174301289.png.jpg?itok=rDYMsiDc)
